2017 წლის 24 თებერვალს საქართველოს ეროვნულ არქივში გაიმართა აკაკი შანიძის დაბადებიდან 130-ე წლისთავისადმი მიძღვნილი ღონისძიება. სკოლა „პოლიგლოტის“ მოსწავლეები ისტორიის მასწავლებელ თინა დორეულთან ერთად ესწრებოდნენ ამ საიუბილეო შეხვედრას . არქივის თანამშრომლებმა დამსწრეთ აჩვენეს აკაკი შანიძის პეტრიწონსა და ჯვრის მონასტერში სამეცნიერო ექსპედიციის ამსახველი დოკუმენტური კადრები. სიტყვით გამოვიდნენ აკადემიკოსის ქალიშვილი მზექალა შანიძე, იუსტიციის მინისტრი თეა წულუკიანი, დევნილთა და განსახლების მინისტრი სოზარ სუბარი, უნივერსიტეტის ყოფილი რექტორი როინ მეტრეველი და აკადემიკოსის ყოფილი მეგობრები. მათ გაიხსენეს აკადემიკოსთან დაკავშირებული მოგონებები, ისაუბრეს აკაკი შანიძის ღვაწლსა და სამეცნიერო მუშაობაზე. ასევე მოსწავლეებმა დაათვალიერეს ეროვნული არქივის გალერეაში აკ. შანიძის ცხოვრების ამსახველი ფოტო-გამოფენა.