სკოლა “პოლიგლოტის” მე-6ა და მე-6ბ კლასის მოსწავლეები კლასის ხელმძღვანელ ნინო გოგოლაძესა და ფრანგული ენის პედაგოგ – თეონა ჩაკვეტაძესთან ერთად, ევროპული დღეების ფარგლებში იმყოფებოდნენ საქართველოს ფრანგულ მედიათეკაში. სადაც დაათვალიერეს ფრანგული ბიბლიოთეკა, გაეცნენ ფრანგულ ლიტერატურას, ბეჭდურ და ელექტრონულ წიგნებს. ბავშვებმა სურვილი გამოთქვეს ბიბლიოთეკაში რეგისტრაციის, საიდანაც შეძლებენ წიგნების გატანას.

პროექტის ბოლოს გაიმართა ანიმაციური ფილმის – “Peau d’Ane” ჩვენება, ბავშვები დიდი ყურადღებითა და მონდომებით იყვნენ ჩართულნი ფილმის ყურებისა და თარგმანის პროცესში.

დიდი მადლობა გადაუხადეს მედიათეკის წარმომადგენლებს და გამოთქვეს კიდევ სტუმრობის სურვილი. სკოლა “პოლიგლოტი” მადლობას უხდის საქართველოს ფრანგულ მედიათეკას თანამშრომლობისთვის.