სკოლა ,,პოლიგლოტი“ ჩაერთო აშშ სატყეო სამსახურის (US forest servise ) პროექტში: ,,ისწავლე, გაუზიარე , გააკეთე უფრო მწვანე თბილისისათვის“ და მოიპოვა გრანტი. პროექტის ავტორი არის სკოლა ,,პოლიგლოტის“ ინოვაციური ჯგუფის ხელმძღვანელი ნინო შეშაბერიძე, პროქტის თანაავტორები არიან სკოლა ,,პოლიგლოტის“ ქიმიის მასწავლებელი ქალბატონი მაია აფხაზავა და ბიოლოგიის მასწავლებელი ქალბატონი როზა წიკლაური. პროექტის სახელია: თბილისის ზღვის მიმდინარე ტერიტორიის გამწვანება.

პროექტის ფარგლებში თბილისის ნაძალადევის რაიონის გამგეობამ სკოლას გამოუყო ნაკვეთი ნაძვების დასარგავად თბილისის ზღვის მიმდებარე ტერიტორიაზე. 2017 წლის 27 თებერვალს სკოლას ეწვივნენ ეროვნული სატყეოს სამსახურის წარმომადგენლები ზურა შოშიტაიშვილი და იაკობ კაპანაძე. მათ ჩაუტარეს X-XI კლასის მოსწავლეებს ტრენინგი ხის დარგვისა და მოვლის სწავლების მიზნით.

შემდეგი ეტაპი იქნება ბიოლოგიის მასწავლებლის დახმარებით უფროსკლასელების მიერ მომზადებული პრეზენტაციები ხის დარგვის წესის, ენდემური მცენარეებისა და წითელი წიგნის შესახებ, რომელშიც ყურადღებას გაამახვილებენ ელდარის ფიჭვზე.