სკოლა ,,პოლიგლოტის“ ქართული ენისა და ლიტერატურის მასწავლებელმა თეონა დიასამიძემ მე-7კლასში ჩაატარა დაუვიწყარი, შთაბეჭდილებებით აღსავსე გასვლითი გაკვეთილი გიორგი ლეონიძის მშობლიურ მამულებში. პროგრამულად, მე-7 კლასელები სწავლობენ გიორგი ლეონიძის ბიოგრაფიასა და შემოქმედებას. მასწავლებელმა მოსწავლეების მოტივაციის ასამაღლებლად და ინტერესის გაზრდის მიზნით დაათვალიერებინა პოეტის სახლმუზეუმი , ჩაუტარა მინილექცია და დააფიქრა ბავშვები გოგლას სულიერ და შემოქმედებით სამყაროზე. ექსკურსიაზე მოსწავლეებმა დაათვალიერეს ნინოწმინდას უნიკალური სამონასტრო კომპლექსიც და დატკბნენ გარეკახეთის უმშვენიერესი პეიზაჟებით. სასწავლო ექსკურსიაზე ბავშვებთან ერთად იმყოფებოდნენ კლასის დამრიგებელი მერი ციმაკურიძე, ქართულის მასწავლებელი მაიკო კვირკველია და მშობლები. ეს მშვენიერი დღე იყო მხიარული, ბედნიერი ემოციებითა და შთაბეჭდილებებით სავსე.