14 დეკემბერს სკოლა „პოლიგლოტის“ IX კლასის მოსწავლეები ქართული ენისა და ლიტერატურის პედაგოგ თეონა დიასამიძესთან ერთად ესტუმრნენ ეროვნული არქივის საგამოფენო გალერეას, სადაც საგანმანათლებლო ღონისძიება – ოთარ მჭედლიშვილის ვორქშოფი „დაზგის გარეშე წიგნის აკინძვა“ ჩატარდა . ვორქშოფში მონაწილე 8 მოსწავლემ დეტალურად შეისწავლა აკინძვის ტექნოლოგია. ბავშვებმა დაამზადეს წიგნები, რომლებიც ძალიან მოეწონათ, მიხვდნენ, თუ რამდენი შრომა და ოსტატობა სჭირდებოდა წიგნის დამზადებას.
ვორქშოფის შემდეგ მოსწავლეებმა დაათვალიერეს ეროვნული არქივის გამოფენა სახელწოდებით – „ ქართული ანბანის სამი სახეობა“. მოსწავლეები ყურადღებით გაეცნენ სხვადასხვა საუკუნეში შესრულებულ ქართულ ხელნაწერებს, ძალიან მოეწონათ ზოგიერთი კალიგრაფის მიერ მრგვლოვანითა და ნუსხურით დაწერილი ტექსტი.
