2015 წლის 27 სექტემბერს სკოლა “პოლიგლოტის” მე-11 კლასის მოსწავლეები გაემგზავრნენ სასწავლო- შემეცნებით ექსკურსიაზე დარიალის ხეობაში. მათ დაათვალიერეს თერგის ულამაზესი ხეობა, ლარსის სამონასტრო კომპლექსი, რომელიც ნიშნად ქართველთა რწმენაში გაძლიერებისა, საქართველოს კათოლიკოს პატრიარქმა, უწმინდესმა და უნეტარესმა ილია II-მ ააშენებინა რუსეთ-საქართველოს საზღვართან. პოლიგლოტელებმა მოილოცეს გერგეთის სამების ტაძარი და წარუშლელი შთაბეჭდილებებით დაბრუნდნენ თბილისში.