8 ნოემბერს, ილია ჭავჭავაძის დაბადების დღის აღსანიშნავად სკოლა პოლიგლოტის ლიტერატურული კლუბის წევრები, კლუბის ხელმძღვანელ მელანო ჩოკორაიასთან ერთად ილია ჭავჭავაძის ლიტერატურულ-მემორიალურ მუზეუმში იმყოფებოდნენ.
ცნობილი მწერალი, პოეტი, პუბლიცისტი, საზოგადო მოღვაწე მეუღლესთან-ოლღა გურამიშვილთან ერთად, თავისი დის, ელისაბედ ჭავჭავაძე-საგინაშვილის სახლში 1888-1901 წლებში ცხოვრობდა და მოღვაწეობდა. მოსწავლეებმა დაათვალიერეს მუზეუმში დაცული მემორიალური და ეპოქალური ნივთები, სამეცნიერო შრომები, სახვითი ხელოვნების ნიმუშები, ასევე დაესწრნენ მუზეუმში ჩატარებულ საგანმანათლებლო პროგრამას და შეასრულეს საინტერესო პრაქტიკული სავარჯიშოები.
სკოლა პოლიგლოტი განსაკუთრებული მადლობას უხდის ლიტერატურულ-მემორიალურ მუზეუმს საოცარი მასპინძლობისთვის. ასევე დიდი მადლობა ლიტერატურული კლუბის ხელმძღვანელ მელანო ჩოკორაიას ასეთი თემატური და მნიშვნელოვანი აქტივობის ორგანიზებისათვის.
