სკოლა პოლიგლოტში მუდმივად ტარდება მოსწავლეებში პროფესიული ორიენტაციის ამაღლების მიზნით სხვადასხვა ღონისძიება, რათა მათ შეძლონ სწორი არჩევანის გაკეთება და წარმატებულად დაგეგმონ თავიანთი კარიერა.
ამჯერად სკოლაში სტუმრად იმყოფებოდა თავისუფალი უნივერსიტეტის წარმომადგენელი, რომელმაც უფროსკლასელებს დეტალურად გააცნო თავისუფალი უნივერსიტეტი. მან ისაუბრა არსებულ საგანმანათლებლო პროგრამებზე, სტუდენტურ ცხოვრებაზე, დასაქმების პერსპექტივებზე, დაფინანსების საკითხებზე და უპასუხა მათ მიერ დასმულ შეკითხვებს.
სკოლა პოლიგლოტი დიდ მადლობას უხდის თავისუფალ უნივერსიტეტს საინტერესო შეხვედრისათვის.
