Search
Close this search box.

კატეგორიები

მსგავსი სიახლეები

fc858e28-e1f9-4f77-a6a3-b6572dde38b6
f4bf7eb2-bc8b-4bc7-a29f-1151a0a13e88
9e93216a-5ca5-4d19-854b-a535344b67e0
d09eea1e-9fcf-47c5-a974-1b72dbc09244
d92e435a-585f-4c14-8806-57cf1d8eee16
7482dc67-6bd4-4280-a947-d77cac2bf1c7

ლიტერატურულ-მუსიკალური საღამო, თემაზე : ,, დედა ენა – ქართველი ერის საუნჯე “

2016 წლის 4 ნოემბერს სკოლა ,,პოლიგლოტის“ დაწყებითი განათლების კათედრაზე ჩატარდა იაკობ გოგებაშვილის კვირეულის დასკვნითი ღონისძიება. მოეწყო ლიტერატურულ-მუსიკალური საღამო, თემაზე : ,, დედა ენა – ქართველი ერის საუნჯე “. ღონისძიებას ესწრებოდნენ სკოლა ,,პოლიგლოტის“ პედაგოგები, მშობლები, მოსწავლეები და ამ დღისთვის საგანგებოდ მოწვეული საპატიო სტუმრები: იაკობ გოგებაშვილის საზოგადოების თავმჯდომარე , დეკანოზი კონსტანტინე გიორგაძე, არნოლდ ჩიქობავას სახელობის ენათმეცნიერების ინსტიტუტის ქართველოლოგიის განყოფილების ხელმძღვანელი , იაკობ გოგებაშვილის საზოგადოების თანათავმჯდომარე ,ფილოლოგიის მეცნიერებათა დოქტორი, პროფესორი გიორგი გოგოლაშვილი და იაკობ გოგებაშვილის საზოგადოების წევრი, ფილოლოგიის მეცნიერებათა დოქტორი ,ქალბატონი დოდო ღლონტი.

სკოლის დირექტორმა ქალბატონმა მზია დაუშვილმა დამსწრე საზოგადოებას წარუდგინა საპატიო სტუმრები და მადლობა გადაუხადა მობრძანებისთვის. მამა კონსტანტინემ დალოცა ჩვენი სკოლის მოსწავლეები და პედკოლექტივი და აღნიშნა, რომ სკოლა ,,პოლიგლოტის „ ყველა მოსწავლე აუცილებლად გადარჩება, ჩვენი სკოლა შეადარა ცოდნის ოაზისს და მადლობა გადაიხადა მოწვევისთვის. ბატონმა გიორგი გოგოლაშვილმა, აღნიშნა, რომ მის თვალზე მომდგარი ცრემლი დამსახურება იყო ამ მშვენიერი გოგო-ბიჭუნებისა, რომლებიც დიდი სიყვარულით , გრძნობითა და ემოციით კითხულობდნენ ლექსებს და სიტყვით ეფერებოდნენ დიდ იაკობსა და უკვდავ ,,დედა ენას“. ქალბატონი დოდო ღლონტი მოეფერა ჩვენს პატარებს, შეაქო ისინი , წარმატებები და ბედნიერი მომავალი უსურვა .

სტუმრებმა საჩუქრად საკუთარი წიგნები გადასცეს სკოლა,,პოლიგლოტის“ბიბლიოთეკას.

გარდა ამისა, სკოლა ,,პოლიგლოტის „ დირექციამ იაკობ გოგებაშვილის ,,დედა ენის“ ესკიზების, ჩანახატებისა და ხელისგულისოდენა წიგნების კონკურსში გამარჯვებული მოსწავლეები დააჯილდოვა დიპლომებითა და ფასიანი საჩუქრებით, ხოლო კონკურსში მონაწილე ყველა დანარჩენ მოსწავლეს გადასცა ფასიანი საჩუქრები. ამ ულამაზესი საღამოს ორგანიზატორები და სულისჩამდგმელნი იყვნენ ქართული ენის პედაგოგები თეონა დიასამიძე და მაკა ტოფაძე, დაწყებითი განათლების კათედრის ხელმძღვანელი ნაზი ზაალიშვილი. ღონისძიება მუსიკალურად გააფორმა მუსიკის მასწავლებელმა ქეთევან ჯეირანაშვილმა , ხოლო მხატვრული დეკორაციები შექმნა ხატვის მასწავლებელმა სოფიო ლიჩელმა.