სკოლა ,,პოლიგლოტის” მასწავლებლები იმყოფებოდნენ არაფორმალური განათლების ცენტრის მიერ ორგანიზებულ მასწავლებელთა კონფერენციაზე: ,,უკეთესი განათლებისათვის“. კონფერენცია იყო საქმიანი, საინტერესო, აქტუალურ საკითხებზე იმსჯელეს მასწავლებლებმა, გაუზიარეს გამოცდილება და დაასკვნეს, რომ მასწავლებლის, სკოლისა და საზოგადოების როლი განსაკუთრებულად დიდია მოზარდი თაობის განათლებისა და განვითარებისათვის, რომ ,, მასწავლებელი არის ის, ვინც უკეთესობისკენ შეცვლის მსოფლიოს“. სკოლა ,,პოლიგლოტის“ პედაგოგები განსაკუთრებულ მადლობას უხდიან ქალბატონ მზია დაუშვილს მუდმივი მხარში დგომისა და მასწავლებელთა პროფესიული დონის ამაღლების ზრუნვისთვის, ასევე მადლიერებას გამოხატავენ არაფორმალური განათლების ცენტრის ხელმძღვანელის ანა კვიჟინაძისა და მისი ერთგული თანაშემწის მარიამ ნოზაძის მიმართ ამ შესანიშნავი კონფერენციის მოწყობისა და იმ დიდი წვლილის შეტანისათვის, რასაც უკეთესი განათლებისათვის ზრუნვა ჰქვია.