სკოლა “პოლიგლოტის” მე-3 კლასის მოსწავლეები დამრიგებელთან, ნინო ოქრუაშვილთან ერთად, ექსპერიმენტორიუმს ესტუმრნენ. მოსწავლეებმა ნახეს სხვადასხვა საინტერესო დანიშნულების ნივთი, დამხმარე გიდთან ერთად მოისმინეს ამომწურავი ინფორმაცია მათი მნიშვნელობის შესახებ, რის შემდეგაც, თავადაც ჰქონდათ შესაძლებლობა მოესინჯათ თითოეული ნივთი. ასევე მონაწილეობა მიიღეს სახალისო ქიმიური ექსპერიმენტების ჩატარებაში, რამაც მათი განსაკუთრებული დაინტერესება გამოიწვია. შემეცნებითი დღე საოცარი შთაბეჭდილებებით დასრულდა.
