სკოლა პოლიგლოტის მე-4 (ა) კლასის მოსწავლეებმა სასწავლო წლის დასრულება გამოსაშვები საღამოთი აღნიშნეს.

მოსწავლეებმა ლექსებითა და სიმღერებით შეაჯამეს განვლილი 4 წელი. გაიხსენეს და ფრანგულ ენაზე გააჟღერეს ცნობილი მოაზროვნეებისა და ფილოსოფოსების განმარტებები ცოდნასა და განათლებაზე. ღონისძიებაში აქტიურად ჩაერთნენ მშობლებიც და შემოგვთავაზეს შთამბეჭდავი საცეკვაო და მუსიკალური ნომრები.

ღონისძიების დასასრულს კი სკოლისგან მოსწავლეებს სამახსოვროდ გადაეცათ წიგნები და სიგელები. სკოლა პოლიგლოტი ულოცავს მათ მე-4 კლასის წარმატებით დასრულებას და ვუსურვებთ შემდგომ წარმატებას.

დიდი მადლობა კლასის დამრიგებელ და ღონისძიების ორგანიზატორ სოფო დვალიშვილს, ფრანგულის მასწავლებელ ირმა ჭანკოტაძეს და მუსიკის მასწავლებელ ანი ზაზაშვილს.

სკოლა პოლიგლოტი ასვე განსაკუთრებულ მადლობას უხდის მშობლებს აქტიური ჩართულობისათვის.