სკოლა პოლიგლოტის მე-7 (ა) კლასის მოსწავლეებმა დამრიგებელ მელანო ჩოკორაიასთან და მუსიკის მასწავლებელ თამთა ცანავასთან ერთად წარმოადგინეს ღონისძიება – ,,ძველი ქართული ფილმების ახალი სიცოცხლე”.
მოსწავლეებმა გააცოცხლეს ცნობილი და განსაკუთრებით დასამახსოვრებელი სცენები ქართული ფილმებიდან, რითაც კიდევ ერთხელ დაგვარწმუნეს, რომ ეს ფილმები ჩვენი იდენტობის მნიშვნელოვანი და განუყოფელი ნაწილია. ამ ფილმების მეშვეობით ჩვენ არა მხოლოდ ვიხსენებთ ისტორიას, არამედ ვაცოცხლებთ ჩვენს ტრადიციებს, რომელიც სხვადასხვა თაობის წარმომადგენლებს გვაერთიანებს.
სკოლა პოლიგლოტი მადლობას უხდის მელანო ჩოკორაიას და თამთა ცანავას ასეთი მნიშვნელოვანი ღონისძიების ორგანიზებისათვის. ასევე, მადლობა მშობლებს აქტიური ჩართულობისა და გვერდში დგომისათვის.
