სკოლა პოლიგლოტის მე-8 (ა) კლასის მოსწავლეებმა, ქართული ენისა და ლიტერატურის მასწავლებლის, მელანო ჩოკორაიას ხელმძღვანელობით, დედაენის დღისადმი მიძღვნილი შემოქმედებითი აქტივობები განახორციელეს.
მოსწავლეებმა შექმნეს კალიგრაფიული ნამუშევრები, რომლებშიც წარმოადგინეს ცნობილი ქართველი პოეტების ლექსები და გამორჩეული აფორიზმები. ამავე კლასის მოსწავლე, ეკატერინე ჯაფარიძემ, მოამზადა ვიდეორგოლი თემაზე -„ანბანით დანახული ქართული ვაზის ჯიშები“. ასევე მოსწავლეებმა შექმნეს ორიგინალური ილუსტრაციები, რითაც გადმოსცეს ქართული ანბანისა და კულტურული სიმბოლიკის ურთიერთკავშირი.
სკოლა პოლიგლოტი მადლობას უხდის მელანო ჩოკორაიას საინტერესო აქტივობების ორგანიზებისათვის.
