სკოლა პოლიგლოტის მე-9 კლასის მოსწავლეები დამრიგებელთან, სამოქალაქო განათლების მასწავლებელთან და მშობლებთან ერთად იმყოფებოდნენ სასწავლო-შემოქმედებით ექსკურსიაზე მცხეთა-საგურამო-ზედაზნის მიმართულებით.
მოსწავლეებმა დაათვალიერეს VI საუკუნის უნიკალური კულტურული მემკვიდრეობის ძეგლი – მცხეთის ჯვარი, გადმოხედეს მტკვრისა და არაგვის შესართავს, დატკბნენ არმაზის, სარკინეთისა და საგურამოს ქედების ხილვით. მოინახულეს იოანე ზედაზნელის სახელობის მონასტერი, ბუნების ულამაზეს წიაღში გამართეს პიკნიკი და შთაბეჭდილებებით სავსე დღე გაატარეს.
მადლობა ექსკურსიის ორგანიზატორ, ქალბატონ ანა ჯავახიშვილს, სამოქალაქო განათლების მასწავლებელ, ხატია ჭილავასა და მშობლებს საინტერესო, სახალისო და შემეცნებითი ექსკურსიის მოწყობისათვის.
