სკოლა „პოლიგლოტისთვის“ უმნიშვნელოვანესია ინოვაციური პედაგოგიური ტექნოლოგიების გამოყენება საგანმანათლებლო პროექტების ფართოდ დანერგვაში. ეს ხელს შეუწყობს ჩვენს მოსწავლეებს განავითარონ კრიტიკული და ანალიტიკური აზროვნება, აიმაღლონ აკადემიური ცოდნა, გამოიმუშაონ კომუნიკაციის მაღალი კულტურა. გვსურს როგორც მოსწავლეებს ასევე პედაგოგებს შევუქმნათ ჯანსაღი, მდგრადი გარემო თვითგამორკვევისა და თვითრეალიზაციისათვის, როგორც ქვეყნის შიგნით, ასევე მის გარეთ. სწორედ ეს შეუწყობს ხელს სკოლა „პოლიგლოტს“ ღირსეული ადგილი დაიმკვიდროს დღევანდელ, კონკურენტუნარიან საგანმანათლებლო სივრცეში.

 სკოლა ორიენტირებულია უცხო ენების გაძლიერებით სწავლებაზე, რისთვისაც სწავლებას ახორციელებს თანამედროვე საერთაშორისო სახელმძღვანელოებით, როგორც ინგლისურ ასევე ფრანგულ და რუსულ ენებში.

 სკოლა მოწოდებულია პარტნიორული ურთიერთობა დაამყაროს როგორც საქართველოს, ასევე საზღვარგარეთის ქვეყნების სკოლებთან.