1921 წლის 25 თებერვალი ერთ-ერთი უმძიმესი დღეა საქართველოს ისტორიაში, თბილისი მე-11 წითელმა არმიამ დაიკავა, საქართველო რუსული საბჭოთა იმპერიის ნაწილად იქცა.
ამ ტრაგიკულ დღესთან დაკავშირებით სკოლა ,,პოლიგლოტში “ ჩატარდა საბჭოთა ოკუპაციის კვირეული:
❖ ისტორიის პედაგოგებმა ნაზი ზაალიშვილმა და თინა დორეულმა აღნიშნულ თარიღთან დაკავშრებით განახორციელეს აქტივობები. ჩაატარეს გაკვეთილები საბჭოთა ოკუპაციის შესახებ ;
❖ ,,ისტორიის მკვლევართა და მემატიანეთა “კლუბის ხელმძღვანელმა, ისტორიის მასწავლებელმა თინათინ დორეულმა, ლექცია ჩაატარა უფროსკლასელთათვის. ლექცია შეეხებოდა საქართველოს დემოკრატიული რესპუბლიკის დაარსებას, საქართველოს დამოუკიდებლობის საერთაშორისო აღიარებას, საქართველოს ანექსიას ბოლშევიკური რუსეთის მიერ და ბოლშევიკთა ხელისუფლების დამყარებას.
❖ კვირეული დასრულდა ფილმის ჩვენებით, მოსწავლეებმა ნახეს დოკუმენტური ფილმი – სატელეგრაფო ოკუპაცია (გაფართოებული ვერსია). დიდი მადლობა თინა დორეულს და ნაზი ზაალიშვილს საინტერესო და მნიშვნელოვანი ღონისძიებებისათვის.
