2017 წლის 5 მაისს სკოლა ,,პოლიგლოტის“ მოსწავლეები ქართული ენისა და ლიტერატურის მასწავლებელ ანა ჯავახიშვილთან ერთად იმყოფებოდნენ ივ. ჯავახიშვილის სახელობის თბილისის სახელმწიფო უნივერსიტეტში მწერალ გურამ დოჩანაშვილთან გამართულ შეხვედრაზე, რომელიც უნივერსიტეტის ჰუმანიტარულ მაცნიერებათა ფაკულტეტთან არსებული ნორჩ ჰუმანიტართა სკოლის ორგანიზებით მოეწყო. შეხვედრას ესწრებოდნენ უნივერსიტეტის რექტორი, პროფესორ-მასწავლებლები, უცხოელი სტუმრები, სტუდენტები, სკოლის მოსწავლეები. ქართველი ერის წინაშე გაწეული უდიდესი ღვაწლისთვის, ქართული ლიტერატურის განვითარებაში შეტანილი წვლილისთვის უნივერსიტეტის კურსდამთავრებული, მწერალი და საზოგადო მოღვაწე გურამ დოჩანაშვილი თბილისის სახელმწიფო უნივერსიტეტის მედლით დაჯილდოვდა.