2016 წლის 16 თებერვალს სკოლა ,,პოლიგლოტის“ საშუალო საფეხურის მოსწავლეები მეწარმეობის საფუძვლების პედაგოგ ზაქარია ისაშვილთან ერთად იმყოფებოდნენ უმაღლესი და პროფესიული განათლების , საზღვარგარეთ სწავლისა და სტუდენტური სერვისების მე-7 საერთაშორისო გამოფენაზე, რომელიც მოეწყო ექსპო-ჯორჯიას მე-11 პავილიონში. მოსწავლეები გაეცნენ სხვადასხვა უმაღლესი და პროფესიული სასწავლებლის პროგრამებს, დაათვალიერეს წარმოდგენილი თვალსაჩინოებები, მიიღეს მონაწილეობა გასართობ თამაშებში, ექსპერიმენტებსა და ცდებში. ბავშვებმა , ასევე, მიიღეს საჩუქრები, ბუკლეტები, ხოლო პრეზენტატორები მოსწავლეებისათვის ყველა საინტერესო შეკითხვაზე პასუხობდნენ.
მადლობას ვუხდით IEFG-განათლების საერთაშორისო გამოფენის ორგანიზატორებს ამ შესანიშნავი პროექტისათვის.
