კომპანია ,,ალმასმა” ჩაატარა ლიტერატურული კონკურსი ,,ჩვენ და ილია’’, რომელიც მიეძღვნა ილია ჭავჭავაძის 180 წლის იუბილეს.კონკურსში მონაწილეობის მიღება შეეძლოთ საჯარო და კერძო სკოლის II – XII კლასების მოსწავლეებს.კონკურსში აქტიურად ჩაერთნენ სკოლა ,,პოლიგლოტის“ მოსწავლეები. 2018 წლის 16 თებერვალს საქართველოს პარლამენტის ეროვნული ბიბლიოთეკის საგამოფენო დარბაზში ლიტერატურული კონკურსი ,,ჩვენ და ილია”-ს გამარჯვებულების დაჯილდოვება გაიმართა. სამახსოვრო სერთიფიკატები გადაეცა კონკურსის ყველა მონაწილეს. დაჯილდოვებაზე გამოვლინდა 6 გამარჯვებული და კონკურსის 6 საუკეთესო მონაწილე. გამრჯვებულ მოსწავლეთა შორის საუკეთესოდ დასახელდა სკოლა ,,პოლიგლოტის“ მეცხრე კლასის მოსწავლე სანდრო კაპანაძე და სკოლა ,,პოლიგლოტის“ მეოთხე კლასის მოსწავლე ლიზი ქემოკლიძე. საინფორმაციო სააგენტო GMTV.GE-მ კონკურსის ორ რჩეულს, სკოლა ,,პოლიგლოტის „ მოსწავლეებს სანდრო კაპანაძეს და ლიზი ქემოკლიძეს საჩუქრად სამახსოვრო პრიზები და სერთიფიკატები გადასცა. კომპანია “ალმასი” მადლობას უხდის კომპანია “დაქსი თრეველს” და GMTV.GE-ს მხარდაჭერისთვის.სკოლა ,,პოლიგლოტი“ მადლობას უხდის კომპანია ,,ალმასს“ საინტერესო საგანმანათლებლო პროექტის განხორციელებისათვის და უსურვებს წარმატებებს.