2017 წლის 5 ნოემბერს სკოლა „პოლიგლოტის“ X-XI-XII კლასის მოსწავლეები იმყოფებოდნენ ტურისტულ ლაშქრობაზე „ბატეთის ტბაზე“, რომელიც ქარელის მუნიციპალიტეტში მდებარეობს, ზღვის დონიდან 1313 მეტრზე.
მოსწავლეებმა ტრანსპორტით გაიარეს ძამას ხეობა, რომელიც ულამაზესია შემოდგომაზე. გზადაგზა მოჩანდა ისტორიული ძეგლები, აქ 30-ზე მეტი ეკლესია – მონასტერია. ,,პოლიგლოტის“ მოსწავლეებმა და მასწავლებლებმა ფეხით იარეს ბატეთის ტბისკენ, დაახლოებით 5 კმ. ულამაზესი ხედების ნახვის შემდეგ მოლაშქრეები დაბრუნდნენ ტრანსპორტთან და გამართეს პიკნიკი. ღონისძიების ორგანიზატორი იყო სკოლა ,,პოლიგლოტის“ ინოვაციური ჯგუფი.ლაშქრობაზე მოსწავლეებთან ერთად იმყოფებოდნენ გეოგრაფიის მასწავლებლები ნინო შეშაბერიძე და ნათია ქვრივიშვილი,სპორტის მასწავლებელი დავით დავითური, მათემატიკის მასწავლებელი ნინო დაუშვილი, მუსიკის მასწავლებელი ქეთევან ჯეირანაშვილი.