სკოლა „პოლიგლოტის“ სახვითი და გამოყენებითი ხელოვნების პედაგოგი სოფიო ლიჩელი დისტანციური სწავლების პერიოდში უძღვება ძალიან საინტერესო პროექტს „პოლიგლოტის კვირეულს“. ყოველ კვირას მოსწავლეები ქალბატონ სოფიო ლიჩელთან ერთად ყურადღებით და დიდი ენთუზიაზმით არჩევენ კვირეულის თემატიკას. წარმოგიდგენთ ძალიან საინტერესო პროექტს , რომელიც ეძღვნება გამოჩენილ ქართველ მხატვარს ნიკო ფიროსმანს, რაც არ არის გასაკვირი ვინაიდან უკვე 2 წელია სკოლა „პოლიგლოტის“ მოსწავლეებს და ქალბატონ სოფიო ლიჩელს მჭიდრო ურთიერთობა აქვთ ნიკო ფიროსმანის სახლ-მუზეუმთან, ბავშვებმა თავიანთი გამოფენა წარმოადგინეს მის სახლ-მუზეუმში და შემდეგ წარმატებით იმოგზაურეს მირზაანში, ღია ცისქვეშ შექმნეს ნახატები. ამჯერადაც მათ გადაწყვიტეს ,რომ პირველი სიუჟეტი გაეკეთებინათ სწორედ ნიკო ფიროსმანზე და მიმართეს სახლ-მუზეუმის კურატორს, ქალბატონ ლალი ლომთათიძეს, რომელიც დიდი სიამოვნებით ჩაერთო ჩვენს პროექტში და დისტანციურად უმასპინძლა მოსწავლეებს, რისთვისაც სკოლა „პოლიგლოტი“ დიდ მადლობას უხდის მას და იტოვებს იმედს , რომ ჩვენი ურთიერთობა მომავალშიც საინტერესოდ გაგრძელდება.