კატეგორიები

მსგავსი სიახლეები

29937c98-9c9b-4ae5-b84a-15a3b230c092
image00001
513917584_743701731510759_1912240171572954828_n
513309756_743559901524942_363703278428546158_n
513631045_742895381591394_2082076973398199342_n
506974498_742054401675492_9095122671388516972_n

პროექტი -„საქართველოს პირველი დემოკრატიული რესპუბლიკა“

მესამე წელია, რაც სკოლა “პოლიგლოტი“ ეროვნული არქივის საგანმანათლებლო პროექტებში მონაწილეობს. წელსაც ფართომასშტაბიან სასწავლო პროექტ „საქართველოს პირველი დემოკრატიული რესპუბლიკის“ ფინალში „პოლიგლოტელებმა“ წარმატებით იასპარეზეს და გამარჯვებული სკოლების ხუთეულში მოხვდნენ. საქართველოს იუსტიციის მინისტრმა თეა წულუკიანმა სერთიფიკატები გადასცა მოსწავლეებს, შეჯიბრების წამყვანმა გიორგი მოსიძემ „პოლიგლოტელების“ თამაში მოიწონა და მომავალშიც მოიწვია სათამაშოდ. შეჯიბრებას ესწრებოდა საპატიო სტუმარი საფრანგეთიდან, საქართველოს პირველი დემოკრატიული რესპუბლიკის მთავრობის ნოე რამიშვილის შვილიშვილი, მიშელ რამიშვილი. სკოლა „პოლიგლოტის“ გუნდის ხელძღვანელი არის ისტორიის პედაგოგი თინა დორეული. გუნდის წევრები, სკოლა „პოლიგლოტის“ IX-XI-XII კლასის მოსწავლეები, დიდი ენთუზიაზმით მოეკიდნენ საქმეს და შეისწავლეს საქართველოს პირველი დემოკრატიული რესპუბლიკის ისტორია. სკოლა „პოლიგლოტი“ ულოცავს დამოუკიდებლობის 100 წლის იუბილეს სრულიად საქართველოს და ეროვნული არქივის სამეცნიერო გუნდს მადლობას უხდის ამ შესანიშნავი პროექტისათვის.