სკოლა ,,პოლიგლოტის” მე-9 კლასის მოსწავლე სანდრო კაპანაძე გახდა თბილისის ზოოპარკის საგანმანათლებლო ცენტრის მიერ ჩატარებული სამეცნიერო კონფერენციის გამარჯვებული – ,,ზოოპარკის აღმოჩენა“ .სანდრო კაპანაძემ ბიოლოგიის მასწავლებელ როზა წიკლაურის ხელმძღვანელობით კონფერენციაზე წარადგინა თემა: ,, ჩემი ქვეყნის ბიომრავალფეროვნება“. 1 ივნისს გაიმართა გამარჯვებულთა დაჯილდოების ცერემონია . გამარჯვებულ მოსწავლეებს გადაეცათ დიპლომები და ფასიანი საჩუქრები. ამასთანავე ,გამარჯვებული მოსწავლეები წაიყვანეს ვაშლოვნის ნაკრძალში ექსკურსიაზე. ვულოცავთ სანდროს და ვუსურვებთ კიდევ მრავალ წარმატებას.