სკოლა ,,პოლიგლოტში“ დაიწყო ბოლშევიკური რუსეთის მიერ საქართველოს დემოკრატიული რესპუბლიკის ოკუპაციის 103 წლისთავისადმი მიძღვნილი კვირეული. კვირეულის დევიზია: ,,არა, ოკუპაციას!“
კვირეულის ფარგლებში მოსწავლეები იმყოფებოდნენ ტაბახმელაში. ყვავილებით შეამკეს 1921 წელს ტაბახმელა-კოჯრის მისადგომებთან გამართულ ბრძოლაში დაღუპული იუნკრების პატივსაცემად აღმართული მემორიალი. დაანთეს სანთლები და წუთიერი დუმილით პატივი სცეს დაღუპულთა ხსოვნას. ღონისძიების ორგანიზატორები იყვნენ ისტორიის პედაგოგი, ქალბატონი თინა დორეული და მე-7 კლასის დამრიგებელი , ქალბატონი ნინო გოგოლაძე .
