31 მაისს სკოლა “პოლიგლოტში” მე-5 “ბ”კლასმა წარმოადგინა ინგლისურენოვანი სპექტაკლი “ალადინი”. მონაწილეებმა შეასრულეს ქორეოგრაფიული ნომრები. სპექტაკლი შედგენილი იყო ცნობილი აღმოსავლური ზღაპრის სიუჟეტის მიხედვით- “ალადინი და ჯადოსნური ლამპარი”. დამდგმელი რეჟისორი და სცენარის ავტორი იყო მე-5 “ბ” კლასის ინგლისური ენისა და ლიტერატურის მასწავლებელი სალომე ქერაშვილი. სპექტაკლი მუსიკალურად გააფორმა მუსიკის პედაგოგმა ანი ზაზაშვილმა. მოსწავლეებმა ძალიან წარმატებით მოირგეს ზღაპრის გმირების როლები.

ბავშვებმა როლების მიხედვით მოირგეს ულამაზესი ფორმები და შეასრულეს ვოკალური/ ქორეოგრაფიული ნომრები. დიდი მადლობა პედაგოგებს და მოსწავლეებს ულამაზესი სანახაობისთვის.