მდგრადი განვითარების მიზნების ფარგლებში, ხელოვნებისა და ქართული ენისა და ლიტერატურის მასწავლებლების ინიციატივით დაიდგა საგანმანათლებლო სპექტაკლი სახელწოდებით — „ბუნების ხმა“.
სპექტაკლი ეხება გარემოს დაცვის მნიშვნელოვან საკითხებს და მისი შინაარსი განსაკუთრებულ ყურადღებას ამახვილებს ისეთ პრობლემებზე, როგორიცაა ხეების გაჩეხვა, ხანძარი ტყეებში.
მოსწავლეებმა სცენაზე გააცოცხლეს ბუნების ხმა — დუმილი, ტკივილი და იმედი, რომ ადამიანის ქმედებებით გარემოს აღდგენა შესაძლებელია. მოირგეს სხვადასხვა პერსონაჟის როლი, განასახიერეს ბებერი მუხა, წიგნი, წყალი, ცეცხლი, სიგარეტი, ნიმფა და ელფები, ოჩოპინტრე, რომელიც ქართულ მითოლოგიაში გარეულ ცხოველთა წინამძღოლი და მფარველია.
ინიციატივის მიზანია მოსწავლეებში გააღვივოს პასუხისმგებლობა გარემოზე, ხელი შეუწყოს კრიტიკული და შემოქმედებითი აზროვნების განვითარებას, ასევე გააერთიანოს საგნებს შორის კავშირი მდგრადი განვითარების მიზნების კონტექსტში.
სკოლა პოლიგლოტი მადლობას უხდის მასწავლებლებს ასეთი მნიშვნელოვანი აქტივობის ორგანიზებისათვის.
