ივ.ჯავახიშვილის სახელობის თბილისის სახელმწიფო უნივერსიტეტის პროფესორმა გიორგი დვალაშვილმა სკოლა “პოლიგლოტის” მოსწავლეებთან ერთად მოაწყო ექსკურსია მსოფლიოში თავისი უნიკალურობით გამორჩეულ ცუცხვათის მღვიმეში.
ექსკურსიას ხელმძღვანელობდნენ სკოლა “პოლიგლოტის” პედაგოგები: თეონა დიასამიძე, ნინო დაუშვილი. ექსკურსიის წარმატებულად ჩატარების მხარდამჭერები იყვნენ ტყიბულის საკრებულოს წევრი ბორის გაბრიაძე, ტყიბულის მუნიციპალიტეტის სოფელ ცუცხვათის წარმომადგენელი გოჩა პატარიძე, ცუცხვათის მაჟორიტარი დეპუტატი გრიგოლ ჩიხლაძე, ტყიბულის ტურიზმის მანვითარების ცენტრის თანამშრომლები, რის გამოც უღრმეს მადლობას ვუხდით მათ. ექსკურსია გააშუქა ტელეკომპანია “რუსთავი 2”-მა.
