სკოლა “პოლიგლოტის” მე-6 “ა” და მე-6 “ბ” კლასში ჩატარდა გაკვეთილი თემაზე: “ჩვენი საყვარელი მეგობრები“. მოსწავლეებმა თავად შეარჩიეს გაკვეთილის თემატიკა, დაიწყეს მოძიება სახლში არსებული მცენარეების,ცხოველების შესახებ. შეისწავლეს მათი ჯიშები,მათი მოვლის პირობები. აღმოჩნდა რომ, მოსწავლეთა ერთ ნაწილს მრავლად აქვთ მარადმწვანე მცენარეები,ზოგიერთმა მათგანმა არც იცოდა რა სახეობის მცენარე ჰქონდა სახლში,მასწავლებლის მითითებითა და ინფორმაციული ტექნოლოგიების დახმარებით მოვიძიეთ მათი ჯიშებისა და სახეობების შესახებ,მათი მოვლის თავისებურებების შესახებ ინფორაციები,მოსწავლეებმა შექმნეს პრეზენტაციები და გაკვეთილზე თავიანთ საყვარელ მცენარეებთან ერთად წარმოადგინეს . აღნიშნულ გაკვეთილზე წარმოდგენილი იყო სხვადასხვა ჯიშის ძაღლები,თუთუყუშები,თევზები და წყლის კუ.მოსწავლეებმა საყვარელი ცხოველების შესახებ წარმოადგინეს პრეზენტაციები,მათი ჯიშების თავისებურებებზე,მათ საყვარელ საჭმელებსა და თამაშებზე.გაკვეთილი წარიმართა საინტერესოდ ცხოველებთან და მცენარეებთან ერთად.ზოგიერთმა მათგანმა წარმოადგინა მოკლე ვიდეო იმ ცხოველების შესახებ რომელთა მოყვანა სკოლის ტერიტორიაზე ვერ მოხერხდა. გაკვეთილის ბოლოს მოსწავლეები დაიყო 2 ჯგუფად და შექმნეს წესები:“ 10 ოქროს წესი როგორ მოვუაროთ მცენარეებს“ და „10 ოქროს წესი როგორ მოვუაროთ ცხოველებს“. მასწავლებელმა მ.აფხაზავამ მოსწავლეებს წარუდგინა პოვერ პოინტის ფორმატით გაკათებული პრეზენტაცია,სადაც ნათლად ჩანდა, რომ ჩვენ უნდა ვიზრუნოთ ჩვენს მეგობრებზე,მცენარეებსა და ცხოველებზე,რათა ისინი იყვნენ ჯანმრთელნი და ბედნიერნი.ადამიანებს არ შეუძლიათ ცოცხალი სამყაროს გარეშე,ამიტომ როგორც ისინი ზრუნავენ ადამიანებზე,ასევე უნდა იზრუნოს ადამიანმა ცოცხალ სამყაროზე.მოსწავლეებს მიეცათ დავალება იზრუნონ მიუსაფარ ძაღლებსა და კატებზე, იზრუნონ გვალვასა და ყინვაში დარჩენილ მცენარეებზე.
