სკოლა ,,პოლიგლოტი“ თანამშრომლობს თბილისის ივ. ჯავახიშვილის სახელობის სახელმწიფო უნივერსიტეტში არსებულ საბავშვო უნივერსიტეტთან, ეკოკლუბთან, ნორჩ ჰუმანიტართა სკოლასთან. მოსწავლეები ესწრებიან უნივერსიტეტის პროფესორ-მასწავლებელთა ლექციებს და მონაწილეობენ სხვადასხვა პროექტში. 2017 წლის 15 თებერვალს სკოლას ესტუმრა უნივერსიტეტის პროფესორი გიორგი დვალაშვილი. მან გააკეთა თავისი ახალი წიგნის ,, საქართველოს ბუნების 100 საოცრება“ პრეზენტაცია. ბატონი გიორგი ,,პოლიგლოტის „ ხშირი სტუმარია. მასთან ერთად ,,პოლიგლოტის“ მოსწავლეებმა იმოგზაურეს ტაო-კლარჯეთში, შეისწავლეს იმერეთის გეომორფოლოგიური მდგომარეობა, დალაშქრეს მსოფლიოში უნიკალური ცამეტსართულიანი ცუცხვათის მღვიმე, მოისმინეს ბატონი გიორგი დვალაშვილის ლექცია საქართველოს ღირსშესანიშნაობების შესახებ.
სკოლა ,,პოლიგლოტი“ მადლობას უხდის ბატონ გიორგი დვალაშვილს სტუმრობისათვის , ულოცავს ახალი წიგნის გამოცემას , უსურვებს ჯანმრთელობას, ბედნიერებასა და ულევ წარმატებებს პროფესიულ საქმიანობაში.
