სკოლა ,,პოლიგლოტში“ ფუნქციონირებს ხატვის წრე-,,sfumato”, რომელსაც ხელმძღვანელობს გამოყენებითი ხელოვნებისა და ხატვის მასწავლებელი სოფიო ლიჩელი. წრის მიზანია მოსწავლეთა ცოდნის გაღრმავება, მრავალმხრივი შემოქმედებითი უნარ-ჩვევების გამოვლენა, განვითარება და ხელშეწყობა. წრის გაკვეთილებზე მოსწავლეებს ეძლევათ შესაძლებლობა დამოუკიდებლად აირჩიონ კონკრეტული ხერხი, სამუშაო მასალა, თემა, სიუჟეტი და ა.შ. , რაც მნიშვნელოვანია მათი შემოქმედებითი თვითგამოხატვის, თვითრეალიზაციის, თვითაქტუალიზაციისთვის. მოსწავლეები უკეთ შეისწავლიან ფერწერას, გრაფიკას, იმუშავებენ სხვადსხვა ტექნიკასა და ჟანრში. შეისწავლიან ქართველ და უცხოელ მხატვართა შემოქმედებას. მონაწილეობას მიიღებენ როგორც სასკოლო, ისე საქალაქო და საერთაშორისო გამოფენებსა და ღონისძიებებში. ჩართულები იქნებიან სხვადასხვა პროექტსა და აქტივობაში.