სკოლა “პოლიგლოტში” წარმატებით გრძელდება პროექტი “ეთნოტური”. ამ პროექტის ფარგლებში, მე-9 კლასის მოსწავლეები იმყოფებოდნენ ლაგოდეხის ეროვნულ პარკში. მათ მოინახულეს მიმდებარე ტერიტორიები და დაათვალიერეს ენდემური ფლორის წარმომადგენლები დაცულ ტერიტორიაზე.
სკოლა ,,პოლიგლოტის” 1 ბ კლასში მათემატიკაში ჩატარდა ღია გაკვეთილი,რომლის თემა იყო ,,10-ის ფარგლებში რიცხვების შეკრება და გამოკლება.”
მეოთხე კლასის მოსწავლეებმა წარმოადგინეს საგაზაფხულო ღონისძიება,წელიწადის ოთხ დროს შორის გაზაფხული ერთ-ერთი უმშვენიერესი დროა,როდესაც გვატკბობს იის ნაზი სურნელება,ჩიტების საამური ჭიკჭიკი.ღონისძიებაზე გოგონებმა გაზაფხულის ულამაზესი ყვავილების როლები მოირგეს,ბიჭებმა კი სიმღერებითა და ლექსებით მოგვილოცეს გაზაფხულის შემობრძანება. როგორც ამბობენ, გაზაფხული ახალ სიცოცხლეს და სილამაზეს მატებს უკვე არსებულს და,თავის მხრივ ჩვენმა მოსწავლეებმაც კიდევ ერთი ლამაზი,სასიამოვნო ემოციებითა და შთაბეჭდილებებით აღსავსე დღე შემატეს… Continue reading მეოთხე კლასის შესანიშნავი ღონისძიება
21 მარტი დაუნის სინდრომის მსოფლიო დღეა. სკოლა “პოლიგლოტში” პედაგოგებმა მოსწავლეებს მიაწოდეს ინფორმაცია ამ დღის დაარსებისა და მისი მნიშვნელობის შესახებ. მოსწავლეები შეუერთდნენ ამ მსოფლიო მნიშვნელობის დღეს და სლოგანით “მეგობრები ქრომოსომებს არ ითვლიან” თეატრალიზებული ღონისძიებები გამართეს. ✨✨✨✨❤️❤️❤️❤️❤️
სკოლა ” პოლიგლოტის” მოსწავლეების თვითმართველობამ საქველმოქმედო აქციის ფარგლებში მხარდაჭერა და სოლიდარობა გამოუცხადა უკრაინელ თანატოლებს! მშვიდობას ვუსურვებთ უკრაინელ ხალხს
სკოლა პოლიგლოტის მე-2 ბ კლასის მოსწავლეებმა საგაზაფხულო ღონისძიება ჩაატარეს! წაიკითხეს ლექსები, იმღერეს სიმღერები, ლამაზად გააფორმეს ყვავილებით საკლასო ოთახი! დიდი მადლობა მათ დამრიგებელს, ჟუჟუ ბაღდოშვილს საინტერესო აქტივობისთვის
12 მარტი ყვავილების დარგვის დღეა, რთული წარმოსადგენია დედამიწა ყვავილების გარეშე.გარემოსდაცვითი პროექტის ფარგლებში მეოთხე ა კლასის მოსწავლეებმა სკოლის ეზოში ფურისულები და ნარცისები დარგეს მოსწავლეებმა კიდევ ერთხელ იმსჯელეს, თუ რატომ გვჭირდება მცენარეები და რისი გაკეთება შეგვიძლია ჩვენი პლანეტის ბიომრავალფეროვნების დასაცავად.
სკოლა “პოლიგლოტის” III ა კლასის მოსწავლეებმა ვაჟა ფშაველას ცნობილი მოთხრობის მიხედვით სპექტაკლი “სათაგური” წარმოგვიდგინეს.მათ შესანიშნავად მოირგეს პერსონაჟთა როლები,გვიმღერეს და ლექსებითაც გაგვანებივრეს.
დღეს მეოთხე ,,ბ” კლასში მხიარულების და სიცილის დღე იყო! მათ დაასრულეს თემა ,,იცინე და იმხიარულე”. თემის ბოლოს კი ქართული ენისა და ლიტერატურის პედაგოგთან ერთად, ჟუჟუ ბაღდოშვილთან ერთად მოაწყვეს სასაცილო ჩაცმულობისა და ვარცხნილობის დღე. მოსწავლეებმა მოირგეს მშობლების ტანსაცმელი, გაიკეთეს სასაცილო ვარცნილობები და ერთად იმხიარულეს❤
სკოლა ,,პოლიგლოტში” გრძელდება დედის დღისადმი მიძღვნილი ღონისძიებები. ამჯერად მეხუთე კლასის მოსწავლეებმა წარმოგვიდგინეს ღონისძიება : ,,დედაშვილობა – სიცოცხლის ზღაპარი”.მათ გამოხატეს მადლიერება იმ უანგარო სიყვარულისთვის, რომელსაც დედები იჩენენ შვილების მიმართ, დედებს მიუძღვნეს ლამაზი ლექსები, სიმღერები. ღონისძიების დასასრულს მოსწავლეებმა თანადგომა გამოუცხადეს უკარაინელ თანატოლებს და სცენაზე გაჟღერდა უკრაინის ჰიმნი.
სკოლა “პოლიგლოტის” IVგ კლასის მოსწავლეებმა საგაზაფხულო ღონისძიება გამართეს და ლექსებითა და სიმღერებით მიულოცეს დედებს ყველა ქალბატონს დედის დღე და ქალთა საერთაშორისო დღე.❤️
სკოლა “პოლიგლოტის” ფრესქულის ჯგუფმა დედებს მიულოცეს დედის დღე და 8 მარტი, ლექსებით, სიმღერებითა და ცეკვებით❤️❤️❤️❤️ დიდი მადლობა მათ მასწავლებლებს ნონა წამალაშვილს, სოფიო ლიჩელსა და ანი ზაზაშვილს.
სკოლა “პოლიგლოტის” მეხუთე კლასის მოსწავლეები ქართული ენისა და ლიტერატურის მასწავლებელ მელანო ჩოკორაიასთან ერთად შეეცადნენ მათი ემოციები და პროტესტი უკრაინაში მიმდინარე მოვლენების წინააღმდეგ გამოეხატათ გაზეთების გამოშვებით სადაც ყველა მოსწავლეს ჰქონდა თავისი ემოციის გადმოცემის საშუალება