2019 წლის 21 მაისს ულამაზესი დღე დადგა სკოლა ,,პოლიგლოტში“ , რადგან შემოცქრიალდნენ იისფერ კაბებსა და გვირგვინებში გამოწყობილი გოგონები და კლასიკურად მორთული ბიჭუნები. I -ა კლასმა საყვარელი პედაგოგის ოლიკო ხოკრიშვილის ხელმძღვანელობით გამართა გამოსაშვები საღამო. პატარებმა ისაუბრეს იაკობ გოგებაშვილზე, დედა ენის მადლზე, ანბანის ისტორიაზე, სიყვარულზე, სკოლაში გატარებულ პირველ უმშვენიერეს წელზე . ულამაზესი ლექსებით, სიმღერებითა და ცეკვით აღნიშნეს სკოლაში გატარებული პირველი საუკეთესო წლის დასრულება. ღონისძიება მუსიკალურად გააფორმა ქეთევან ჯეირანაშვილმა და დეკორაციები შექმნა სოფიო ლიჩელმა. მოსწავლეებმა და მშობლებმა მადლობა გადაუხადეს საყვარელ მასწავლებლებსა და სკოლა ,,პოლიგლოტის“ დირექციას დაუღალავი შრომისა და სუკეთესო სასწავლო გარემოს შექმნისათვის.