სკოლა პოლიგლოტის მე-4(გ) კლასის მოსწავლეები ბუნებისმეტყველების მასწავლებელ ანა ნიჟარაძესთან და დამრიგებელ გურანდა ხუსკივაძესთან ერთად პროექტის ფარგლებში ,,ჩემი მხარე’’ იმყოფებოდნენ ეთნოგრაფიულ მუზეუმში. ბავშვებმა მოინახულეს ეთნოგრაფიულ მუზეუმში არსებული ყველა კუთხისთვის დამახასიათებელი ოდა-სახლები და გაეცნენ მათ ნიშან-თვისებებს. ბავშვებზე ეთნოგრაფიულმა მუზეუმმა ძალიან დიდი შთაბეჭდილება მოახდინა, ისინი ვერ მალავდნენ ემოციებს, რადგან ერთად იხილეს საქართველოს ყველა კუთხე. სკოლა პოლიგლოტი მადლობას უხდის… Continue reading მე-4(გ) კლასი ეთნოგრაფიულ მუზეუმში

ევროპის დღესთან დაკავშირებით სკოლა პოლიგლოტის მე-6 კლასის მოსწავლეებმა კომპიუტერული ტექნოლოგიების მასწავლებელ ანა მეტრეველთან ერთად პროგრამა Canva- ში შექმნეს მისალოცი პოსტერები. მოსწავლეებმა არაჩვეულებრივი ნამუშევრები შემოგვთავაზეს ევროკავშირის თემატიკაზე. სკოლა პოლიგლოტი მადლობას უხდის ანა მეტრეველს ასეთი თემატური აქტივობის ორგანიზებისათვის.

სკოლა პოლიგლოტის მე-4(ბ) კლასის მოსწავლეებმა საგნის ,,მე და საზოგადოება“ მასწავლებელ ხატია ჭილავასთან ერთად აღნიშნეს ევროპის დღე. მოსწავლეებმა შექმნეს ნახატები ევროკავშირის თემატიკაზე, ისაუბრეს საქართველოსა და ევროკავშირის თანამშრომლობაზე. სკოლა პოლიგლოტი მადლობას უხდის ხატია ჭილავას ასეთი საინტერესო აქტივობის ორგანიზებისათვის.

სკოლა პოლიგლოტის მე-3 (ბ) კლასის მოსწავლეები, ხელოვნების მასწავლებელ სოფიო ლიჩელთან, კომპიუტერული ტექნოლოგიების მასწავლებელ ანა მეტრეველთან და დამრიგებელ თამარ ჯანხოთელთან ერთად აღნიშნეს ევროპის დღე. მოსწავლეები გაეცნენ ამ დღის დაარსების შესახებ ინფორმაციას და შექმნეს პოსტერები მოცემულ თემაზე. ,,ევროკავშირთან ერთად უფრო ძლიერები ვართ”. სკოლა პოლიგლოტი მადლობას უხდის მასწავლებლებს ასეთი საინტერესო აქტივობის ორგანიზებისათვის.

სკოლა პოლიგლოტის მე-2 (ბ, გ) კლასის მოსწავლეებმა ხელოვნების მასწავლებელთან სოფიო ლიჩელთან და დამრიგებლებთან: სოფო მუმლაძესა და ნინო ჯვებენავასთან ერთად აღნიშნეს ევროპის დღე. ბავშვებმა შექმნეს ულამაზესი ნამუშევრები გაფორმებული ევროკავშირში შემავალი ქვეყნების დროშებით. სკოლა პოლიგლოტი მადლობას უხდის მასწავლებლებს ასეთი ლამაზი აქტივობის ორგანიზებისათვის.

სკოლა პოლიგლოტის მე-5(ა) კლასის მოსწავლეებმა ფრანგული ენის მასწავლებელთან ირმა ჭანკოტაძესთან ერთად განახორციელეს საკლასო აქტივობა-,,ერთად ევროპისკენ”. მოსწავლეებმა შექმნეს საინტერესო პოსტერები და თან დაურთეს შესაბამისი სლოგანები ფრანგულ ენაზე. ასევე, ისაუბრეს ევროკავშირისა და მასში შემავალი ქვეყნების შესახებ, გამოხატეს თავიანთი აზრი ევროკავშირთან დაკავშირებით. სკოლა პოლიგლოტი მადლობას უხდის ირმა ჭანკოტაძეს ასეთი საინტერესო აქტივობის ორგანიზებისათვის.

ევროპის დღესთან დაკავშირებით სკოლა პოლიგლოტში დაიწყო ,,ევროპის კვირეული’’. კვირეულის ფარგლებში საბაზო და დაწყებითი საფეხურის მოსწავლეებისთვის ისტორიის მოყვარულთა და მემატიანეთა კლუბის ხელმძღვანელმა, თინათინ დორეულმა, გამართა მინილექცია თემაზე: ,,საქართველო და ევროპა’’. ასევე, აჩვენა ფილმი ,,ევროკავშირის შექმნის ისტორია”, რის შემდეგაც გაიმართა დისკუსია. მოსწავლეებმა იმსჯელეს ევროპული განათლების, მშვიდობის, და ურთიერთობების განვითარების შესახებ. სკოლა პოლიგლოტი მადლობას უხდის თინათინ დორეულს ასეთი… Continue reading ევროპის კვირეული

სასკოლო პროექტის ფარგლებში, მე-7(ა) კლასის მოსწავლეები ქართული ენისა და ლიტერატურის მასწავლებელთან, მელანო ჩოკორაიასთან, ერთად ნიკოლოზ ბარათაშვილის მემორიალურ სახლ-მუზეუმში იმყოფებოდნენ და მიიღეს მონაწილეობა შემეცნებით-საგანმანათლებლო პროგრამაში ,,ვაცოცხლოთ, რომ ვიცოცხლოთ’’. გარდა იმისა, რომ მოსწავლეებმა დაათვალიერეს მუზეუმი და მიიღეს სხვადასხვა საინტერესო ინფორმაცია პოეტის ცხოვრებისა და მოღვაწეობის შესახებ, ისინი ასევე ვიზუალური მასალის გამოყენებით გაეცნენ გლობალურ საფრთხეებთან დაკავშირებულ პრობლემებს: კლიმატური ცვლილებები… Continue reading მე-7(ა) კლასი ნიკოლოზ ბარათაშვილის მემორიალურ სახლ-მუზეუმში

სკოლა პოლიგლოტის მე-9 კლასის მოსწავლეები სამოქალაქო განათლების მასწავლებელთან, ხატია ჭილავასთან ერთად საქართველოს პარლამენტს, ქვეყნის უმაღლეს საკანონმდებლო ორგანოს ესტუმრნენ. მოსწავლეები დეტალურად გაეცნენ საქართველოს პარლამენტის ისტორიას, სტრუქტურასა და ფუნქციებს. მათ დიდი ინტერესით მოისმინეს ინფორმაცია კანონების მიღების პროცესის, კომიტეტების როლისა და პარლამენტის წევრების საქმიანობის შესახებ. ვიზიტის ერთ-ერთი ყველაზე საინტერესო ნაწილი იყო იმიტირებული საკომიტეტო სხდომა. თითოეულმა მოსწავლემ თავი იგრძნო… Continue reading მე-9 კლასის ვიზიტი პარლამენტში

გარემოს დაცვის დღესთან დაკავშირებით სკოლა პოლიგლოტის მე-5 (ა, ბ) კლასების მოსწავლეები ბუნების მასწავლებელ, ნინო წამალაშვილთან, კლასის დამრიგებლებთან: ნინო ოქრუაშვილთან და სოფო დვალიშვილთან ერთად იმყოფებოდნენ ბოტანიკურ ბაღში. მოსწავლეები გაეცნენ თბილისის ბოტანიკური ბაღის ეკოსისტემას, გაიგეს თუ რამდენად მნიშვნელოვანია ურბანულ ტერიტორიაზე ბუნების ასეთი მრავალფეროვნება. სკოლა პოლიგლოტი მადლობას უხდის მასწავლებლებს ასეთი მნიშვნელოვანი აქტივობის ორგანიზებისათვის.

სკოლა პოლიგლოტში პროექტ ,,ეკოლოგია და მდგრადი განვითარების“ ფარგლებში საბაზო საფეხურის მოსწავლეებმა და ეკოკლუბის წევრებმა ჩაატარეს კონფერენცია. მოსწავლეებმა წარმოადგინეს სხვადასხვა თემა, გამართეს დისკუსია, განიხილეს მსოფლიოს მდგრადი განვითარების 17 მიზანი. განსაკუთრებით გამოარჩიეს მე-13 მიზანი, რომელიც ეხება კლიმატის ცვლილებით გამოწვეულ პრობლემებს. საინტერესო იყო თემები: ,,რა არის მდგრადი განვითარება“, ,,კლიმატის ცვლილების ისტორია“, ,, კლიმატის გლობალური პრობლემები“, ,,მყინვარების მდგომარეობა. ისაუბრეს… Continue reading პროექტი ,,ეკოლოგია და მდგრადი განვითარები”