სკოლა ,,პოლიგლოტში” მოსწავლეთა მოტივაციის გაზრდის მიზნით დირექციისა და პედაგოგების ხელშეწყობით ხშირად ხორციელდება სხვადასხვა საგანმანათლებლო გასვლითი აქტივობა. ამჯერად VIა და VIბ კლასის მოსწავლეები კლასის ხელმძღვანელ, ნინო გოგოლაძესთან ერთად იმყოფებოდნენ ნოდარ დუმბაძის სახელობის მოზარდ მაყურებლის თეატრში. მოსწავლეებმა გადაწყვიტეს ჯერ წაეკითხათ ნ. დუმბაძის ნაწარმოები ,,მე ვხედავ მზეს”, შემდეგ კი დასწრებოდნენ სპექტაკლს. ბავშვები თეატრიდან დაბრუნდნენ დიდი შთაბეჭდილებებით.სკოლაში იმსჯელეს მხატვრულ ნაწარმოებსა და სპექტაკლს შორის განსხვავებაზე, გამოთქვეს საკუთარი აზრი ნაწარმოებში წარმოჩენილი პრობლემების ირგვლივ. დიდი მადლობა ღონისძიების ორგანიზატორს საინტერესო შემეცნებითი აქტივობისთვის.
