სკოლა პოლიგლოტში გაიმართა პროფესორ ცირა ბარბაქაძის ვორქშოფი „ციფრული წერა – „მეხსიერების ჩიპი“. ვორქშოფი არაფორმალური განათლების ნაწილს წარმოადგენდა და მიზნად ისახავდა მოსწავლეების შემოქმედებითი და კრეატიული უნარების განვითარებას თანამედროვე ტექნოლოგიებთან ინტერაქციის გზით.
ვორქშოფის დასაწყისში, მონაწილეებმა მიიღეს ტექსტის დასაწყისი, რომელიც მათ შემდგომ საკუთარი უნიკალური სიუჟეტების დასაწერად გამოიყენეს.მონაწილეებმა შექმნეს ინტენსიური და დაძაბული სიუჟეტები, რომლებშიც მათ განიხილეს მეხსიერების მანიპულაციის, ტექნოლოგიის გავლენისა და პიროვნული იდენტობის თემები.
შეხვედრის ერთ-ერთი ყველაზე საინტერესო ნაწილი იყო ხელოვნური ინტელექტის ჩართვა შემოქმედებით პროცესში. მოსწავლეებმა შეადგინეს პრომპტები ChatGPT-თვის, რათა დახმარებოდა ჩატბოტი სიუჟეტის განვითარებაში, პერსონაჟების დახვეწასა და დიალოგების შექმნაში. AI-სთან ინტერაქციისას მათ შეისწავლეს, როგორ შეიძლება ტექნოლოგია გახდეს შემოქმედებითი საქმიანობის გაფართოების ინსტრუმენტი.
ბოლოს კი, მოსწავლეებმა თავიანთი ნამუშევრები ერთმანეთს გააცნეს და განიხილეს, როგორ შეიძლება AI-ისა და ადამიანის თანამშრომლობამ ახალი შესაძლებლობები შექმნას ლიტერატურაში. მათი კრეატიულობა, ციფრული ტექნოლოგიების გამოყენების უნარი და ინოვაციური ხედვა ნათლად გამოჩნდა შემოქმედებით ნამუშევრებში.
სკოლა პოლიგლოტი მადლობას უხდის ქალბატონ ცირა ბარბაქაძეს ასეთი საინტერესო და აქტუალური შეხვედრის ჩატარებისათვის.
