სკოლა პოლიგლოტის ლიტერატურული კლუბის წევრები, ხელმძღვანელთან მელანო ჩოკორაიასთან ერთად, გალაკტიონ ტაბიძის მემორიალურ სახლ-მუზეუმში იმყოფებოდნენ, სადაც ექსკურსიის დასრულების შემდეგ გაეცნენ შემეცნებით-საგანმანათლებლო პროგრამას ,,წერე დღიური”.
პროგრამის ფარგლებში, მოსწავლეებმა მიიღეს ინფორმაცია იმის შესახებ, თუ როდის და სად ვხვდებით დღიურის პირველ ნიმუშებს, როგორ და რატომ იწერება დღიური. მოისმინეს ისტორიები აუქციონზე გამოტანილი, ცნობილი ადამიანების მსოფლიოში ყველაზე ძვირადღირებული დღიურების შესახებ.
სკოლა პოლიგლოტი დიდ მადლობას უხდის გალაკტიონ ტაბიძის მემორიალურ-მუზეუმს გულთბილი მასპინძლობისთვის. ასევე, მადლობა ქალბატონ მელანო ჩოკორაიას ასეთი საინტერესო აქტივობის ორგანიზებისათვის.
