სკოლა პოლიგლოტის მე-3 (გ) კლასის მოსწავლეებმა, მათემატიკის მასწავლებელ, სოფო მუმლაძესთან ერთად წარმოადგინეს ღონისძიება — “ჯადოსნური ჩემოდანი“ , რომლითაც მოსწავლეებმა იმოგზაურეს საქართველოს ულამაზეს კუთხეებში.
მოსწავლეებმა საინტერესო და მრავალფეროვანი აქტივობების საშუალებით გაგვაცნეს ჩვენი ქვეყნის კულტურა, ტრადიციები, ღირსშესანიშნაობები და ის უნიკალური თავისებურებები, რომლებიც საქართველოს თითოეულ კუთხეს განსაკუთრებულს ხდის.
მსგავსი ღონისძიებები ხელს უწყობს ბავშვებში სამშობლოს სიყვარულის, ეროვნული ღირებულებების პატივისცემისა და კულტურული მემკვიდრეობის გაცნობას.
სკოლა პოლიგლოტი მადლობას უხდის სოფო მუმლაძეს საინტერესო ღონისძიების ორგანიზებისთვის და მშობლებს აქტიური მხარდაჭერისთვის.
