სკოლა პოლიგლოტის მე-4 (ა) კლასის მოსწავლეებმა დამრიგებელთან თამარ რიჟამაძესთან ერთად სასკოლო პროექტის ფარგლებში ნახეს ფრანგი მწერლის ჟან ჟიონოს მოთხრობის მიხედვით გადაღებული ანიმაციური ფილმი „ადამიანი, რომელიც ხეებს რგავდა“.
მოსწავლეებმა ყურადღება გაამახვილეს ისეთ საკითხებზე, როგორიცაა გარემოს დაცვა, ტყის მნიშვნელობა და ტყის გადარჩენისა და ზრუნვის აუცილებლობა, პიროვნების როლი საზოგადოებაში. ფილმის ჩვენების შემდეგ ჯგუფებში დახატეს მთავარი პერსონაჟი, ადამიანი რომელიც იყო მწყემსი და წლების განმავლობაში ზრუნავდა გარემოზე სხვადასხვა ხეების დარგვით. მოცემული აქტივობა მიზნად ისახავდა მოსწავლეებში სამოქალაქო პასუხისმგებლობის გაზრდას და გარემოზე ზრუნვის მნიშვნელობის გააზრებას.
სკოლა პოლიგლოტი მადლობას უხდის თამარ რიჟამაძეს ასეთი საინტერესო აქტივობის ორგანიზებისათვის.
