სკოლა პოლიგლოტის მე-5(ბ) კლასის მოსწავლეებმა დამრიგებელ ირმა ჯავახიშვილთან ერთად წარმოადგინეს შემოქმედებითი ღონისძიება – “მხატვრული მოგზაურობა”.
მოსწავლეები ცნობილი მხატვრების როლებში წარდგნენ, გვიამბეს მათი ცხოვრებისა და შემოქმედების შესახებ, გაგვაცნეს მსოფლიო ხელოვნების გამორჩეული ნიმუშები და მაყურებელი ფერების, ემოციებისა და წარმოსახვის საოცარ სამყაროში ამოგზაურეს. განსაკუთრებული შთაბეჭდილება მოახდინა იმან, რომ მათ მხატვრების ცნობილი ნამუშევრები გააცოცხლეს და სცენაზე ხელოვნების ნამდვილი დღესასწაული შექმნეს.
სკოლა პოლიგლოტი მადლობას უხდის დამრიგებელ ირმა ჯავახიშვილს ასეთი საინტერესო და შთამბეჭდავი ღონისძიების ორგანიზებისთვის, ასევე პედაგოგებს ღონისძიებაში აქტიური ჩართულობისა და მხარდაჭერისთვის.
