სკოლა პოლიგლოტის მე-5 (ბ) კლასის მოსწავლეები ფრანგული ენის მასწავლებელ ირმა ჭანკოტაძესთან და კლასის დამრიგებელ ნინო ოქრუაშვილთან ერთად, სტუმრად იმყოფებოდნენ საქართველოს ფრანგული ინსტიტუტის მედიათეკაში.
ვიზიტის ფარგლებში მოსწავლეებმა მოინახულეს მედიათეკა, გაეცნენ მსოფლიო და ფრანგულ ლიტერატურას ფრანგულ ენაზე, დაათვალიერეს ფრანგულ ენაზე ნათარგმნი ,,ვეფხისტყაოსანი”.
მოსწავლეებმა ითამაშეს ფრანგული სამაგიდო თამაშები, ასევე ნახეს ფრანგული ანიმაცია, რამაც მათზე დიდი შთაბეჭდილება მოახდინა. დარეგისტრირდნენ ბიბლიოთეკაში და გამოიტანეს სხვადასხვა ჟანრის საკითხავი წიგნები.
სკოლა პოლიგლოტი მადლობას უხდის მედიათეკის წარმომადგენელს, ნინო შუბითიძეს გულთბილი მასპინძლობისთვის. ასევე მასწავლებლებს ასეთი საინტერესო აქტივობის ორგანიზებისათვის.
