სკოლა პოლიგლოტის მე-5 (ბ) კლასის მოსწავლეები, ხელოვნების მასწავლებელ ქეთევან მაისურაძესთან და კლასის დამრიგებელ ნინო ოქრუაშვილთან ერთად ესტუმრნენ ხელოვნების სასახლეს, სადაც მოსწავლეები დაესწრნენ საგანმანათლებლო პროგრამას „საახალწლო მეჯლისი“.
მოსწავლეებმა მოისმინეს სასახლის აგების ისტორია, რომელიც XIX საუკუნეშია აგებული და გერმანელმა პრინცმა სიყვარულის ნიშნად ულამაზეს ქართველ ქალბატონს აუშენა. მათ დაათვალიერეს სასახლეში დაცული უნიკალური ექსპონატები: ფერწერული ტილოები, გრაფიკული ნამუშევრები, ეროვნული და სასცენო კოსტიუმების კოლექციები. აგრეთვე მოისმინეს მეჯლისის შექმნის საინტერესო ისტორია, ვიზიტის ბოლოს კი დაამზადეს სამეჯლისო ნიღბები.
სკოლა პოლიგლოტი მადლობას უხდის ქეთევან მაისურაძეს და ნინო ოქრუაშვილს ასეთი საინტერესო და შთამბეჭდავი აქტივობის ორგანიზებისათვის.
