დედამიწის დღესთან დაკავშირებით სკოლა პოლიგლოტის მე-6, მე-7 და მე-8 კლასების მოსწავლეებმა გეოგრაფიის მასწავლებელ, ნინო წამალაშვილთან ერთად ჩაატარეს საინტერესო ღონისძიება.
ღონისძიების ფარგლებში მოსწავლეებმა გააკეთეს პოსტერები, გამოუშვეს კედლის გაზეთები და წარადგინეს პრეზენტაციები. ყურადღება გაამახვილეს იმაზე, რომ დედამიწა ჩვენი სახლია და მისი დაცვა, მასზე ზრუნვა თითოეული ადამიანის ვალდებულებაა. აღნიშნულმა ღონისძიებამ ხელი შეუწყო გუნდური და შემოქმედებითი უნარების განვითარებას.
სკოლა პოლიგლოტი მადლობას უხდის ღონისძიებაში მონაწილე ყველა მოსწავლეს, ეკოკლუბის წევრებს აქტიური ჩართულობისთვის და ნინო წამალაშვილს ასეთი საინტერესო ღონისძიების ორგანიზებისთვის.
