სკოლა პოლიგლოტის მე-7 (ბ) კლასის მოსწავლეები დამრიგებელ ნაზი ზაალიშვილთან ერთად იმყოფებოდნენ ექსკურსიაზე ატენის ხეობაში. მათ მოინახულეს გორის მაცხოვრის ფერისცვალების ტაძარი, სადაც შეხვდნენ ტაძრის წინამძღვარს მამა ბასილს. ასევე, ნახეს ატენის სიონი.
ვიზიტის შემდეგ კი მოაწყვეს პიკნიკი ბუნებაში, სადაც მათ დრო საინტერესოდ გაატარეს სხვადასხვა შემეცნებითი თუ გასართობი თამაშებით.
სკოლა პოლიგლოტი მადლობას უხდის ნაზი ზაალიშვილს ასეთი საინტერესო აქტივობის ორგანიზებისათვის და მშობლებს აქტიური ჩართულობისთვის.
