სკოლა პოლიგლოტის მე-7 კლასის მოსწავლეებმა ინგლისური ენის ფარგლებში წარადგინეს პროექტი “Kitchen Roayle”, რომელიც მიზნად ისახავდა ჯანსაღი კვების ხელშეწყობას მოზარდებში და ამ კუთხით მათი ცნობიერების ამაღლებას.
თავდაპირველად, მოსწავლეებმა გააკეთეს პრეზენტაცია და დეტალურად იმსჯელეს ნუტრიციოლოგიურ საკითხებზე, როგორიცაა გონივრული – ჯანსაღი, მრავალფეროვანი და ბალანსირებული დიეტა, ინდივიდუალური კვების რეჟიმის ჩამოყალიბება; შემდეგ, საყოველთაოდ ცნობილი პროექტის -“მასტერ შეფი” ინსცენირება შემოგვთავაზეს.
მოხალისე მზარეულებმა მოამზადეს, გააფორმეს და ჟიურის წევრებთან საპატიოდ წარადგინეს ინდივიდუალური კერძები, სალათებისა და დესერტების სახით. ჟიურის წევრებმა, სიღრმისეულად განიხილეს თითოეული კერძი მისი გემოს, ვიზუალის, ტექსტურისა და ნუტრიენტების მიხედვით და შეაფასეს ქულებით.
საბოლოოდ, 3 გამარჯვებული კერძი გამოვლინდა და დაჯილდოვდა.
აღსანიშნავია, რომ ღონისძიება ინტერაქციულ რეჟიმში მიმდინარეობდა, მაღალი იყო აუდიტორიის აქტიურობა და ჩართულობა.
სკოლა პოლიგლოტი დიდ მადლობას უხდის პროექტის ორგანიზატორს ქეთი კუპატაძეს
ასეთი საინტერესო და ორიგინალური აქტივობისათვის. ასევე კლასის დამრიგებელ ნინო გოგოლაძეს მხარდაჭერისათვის.
სკოლა პოლიგლოტი ასვე განსაკუთრებულ მადლობას უხდის მშობლებს აქტიური ჩართულობისათვის.
