სკოლა პოლიგლოტის მე-7 (ა) კლასის მოსწავლეებმა ისტორიის მასწავლებელთან, ნაზი ზაალიშვილთან და ქართული ენისა და ლიტერატურის მასწავლებელთან მელანო ჩოკორაიასთან ერთად ჩაატარეს ინტეგრირებული პროექტი აფხაზეთზე სახელწოდებით ,,ჩვენ დავბრუნდებით”.
ღია გაკვეთილის მიზანი იყო მოსწავლეებში ეროვნული თვითშეგნების გაღვივება, სამშობლოსადმი სიყვარულის გაღრმავება და აფხაზეთის საკითხის სიღრმისეული გააზრება. მოსწავლეებმა მიიღეს მეტი ინფორმაცია აფხაზეთის ისტორიულ და კულტურულ მნიშვნელობაზე. წარმოადგინეს პრეზენტაციები აფხაზეთის გეოგრაფიულ ადგილებზე, კულტურულ ძეგლებზე, აფხაზურ ტრადიციებისა და იქაური სამზარეულოს შესახებ.
მიიღეს ინფორმაცია აფხაზეთის ისტორისაა და კულტურაზე, მდიდარ და განსხვავებულ კულინარიაზე. გამოთქვეს იმედი იმ სანუკვარი ოცნებისა, რასაც აფხაზეთში დაბრუნება ჰქვია.
სკოლა პოლიგლოტი მადლობას უხდის მასწავლებლებს ასეთი მნიშვნელოვანი აქტივობის ორგანიზებისათვის.
