სკოლა პოლიგლოტის მე-10 და მე-11 კლასის მოსწავლეები დაესწრნენ შავი ზღვის საერთაშორისო უნივერსიტეტში გამართულ ბიზნეს ანბანის პროექტის ტრენინგებს.
ორი დღის განმავლობაში მოსწავლეებს შესაძლებლობა ჰქონდათ, ჩართულიყვნენ სახალისო აქტივობებში და ამავდროულად აემაღლებინათ ცოდნა ბიზნესის სხვადასხვა სფეროს მიმართულებით. ტრენინგის ბოლოს კი მიღებული ცოდნით ბიზნეს გეგმებიც წარადგინეს.
მონაწილეებს შავი ზღვის საერთაშორისო უნივერსიტეტისგან გადაეცათ ორენოვანი სერტიფიკატები.
სკოლა პოლიგლოტი მადლობას უხდის შავი ზღვის საერთაშორისო უნივერსიტეტს ასეთი საინტერესო პროექტისათვის.
