სკოლა „პოლიგლოტში” ჩატარდა სკოლის პირველობა 12 წელს ზემოთ გოგონებსა და ვაჟებს შორის. მონაწილეობა მიიღო 36-მა მოჭადრაკემ, ისინი 9 ქვეჯგუფად გადანაწილდნენ და ვინც 3 ქულით გაიმარჯვა, პირდაპირ მოხვდნენ ფინალში, ხოლო 2 ქულიანებს დამატებითი შანსი მიეცათ, „დამაწყნარებელი“ ქვეჯგუფის სახით.
ფინალური ეტაპი წრიული სისტემით ჩატარდა და საბოლოო შედეგები ასეთია: ვაჟებში სკოლის ჩემპიონი გახდა ცოტნე მამფორია, მეორე-მესამე ადგილები გაინაწილეს ლუკა კვარაცხელიამ და ზუკა კურტანიძემ, მეოთხე ადგილზე გაბრიელ ციხისელი გავიდა. გოგონების ჩემპიონი გახდა ნუცი მთვარელიძე, მეორე ადგილი დაიკავა ლიზი ბაშარულმა, მესამე-სოფი ბადრიძემ, მეოთხე-თინათინ ნიშნიანიძემ.
სუპერ-ჩემპიონობა ნუცი მთვარელიძემ დაისაკუთრა (მან ცოტნე მამფორიას სძლია). ტურნირს მსაჯობდა ნატალია მესხი. ღონისძიებამ მოჭადრაკეებში დიდი ინტერესი და ვნებათაღელვა გამოიწვია, უხვად დაგროვდა ფოტო მასალაც. 
სასკოლო ჩემპიონატმა, გარდა იმისა, რომ გამოავლინა ჩემპიონები და პრიზიორები, საშუალება მოგვცა შეგვერჩია სკოლის ნაკრების კანდიდატები სასკოლო ლიგა 2023-ის ეგიდით გამართულ პირად-გუნდურ შეჯიბრებებში მონაწილეობისათვის, რადგან თბილისის მერია, საკრებულო, სპორტის მართვის ასოციაცია და ჭადრაკის ფედერაცია ერთობლივად რამოდენიმე ტურნირის ჩატარებას გეგმავს, სპორტის აღორძინების მიზნით.
სკოლა „პოლიგლოტი“, მისი დირექტორის ქალბატონ მზია დაუშვილის ხელმძღვანელობით, თავისი მატერიალურ-ტექნიკური ბაზით, რესურსებითა და ინტელექტუალებით, მზადაა მომავალი პერიპეტიებისათვის და გამოწვევებისათვის.
