სკოლა პოლიგლოტის I (გ)კლასში ქართული ენისა და ლიტერატურის მასწავლებელმა, მარიამ ხუსკივაძემ ჩაატარა ღია გაკვეთილი – ,,ანბანის გაცილება”.
თემატურად მოწყობილ საკლასო ოთახში მოსწავლეებმა შეაჯამეს ნასწავლი მასალა სახალისო აქტივობებით. წაიკითხეს ასო-ბგერებზე ნასწავლი ლექსები და შეასრულეს ანბანზე შექმნილი სიმღერები.
გააკეთეს სავარჯიშოები არსებით სახელებზე; დააჯგუფეს სულიერი და უსულო სახელები, მხოლობითი და მრავლობითი რიცხვის აღმნიშვნელი არსებითი სახელები.
სკოლა პოლიგლოტი მადლობას უხდის მარიამ ხუსკივაძეს ასეთი საინტერესო გაკვეთილის ორგანიზებისათვის.
