სკოლა პოლიგლოტის მასწავლებელმა სოფო მუმლაძემ ჩაატარა ღია გაკვეთილი მე-2 (ა) კლასის მოსწავლეებისათვის მათემატიკაში თემაზე: “ეროვნული ფულის ერთეულები, არითმეტიკული მოქმედებები, მოქმედებათა ურთიერთშებრუნებულობა.”

გაკვეთილის მიზანი იყო წინარე ცოდნის გამყარება/შეჯამება.

გაკვეთილი მოიცავდა მრავალფეროვან აქტივობებს. ბავშვები აქტიურად ჩაერთნენ ინტერაქციაში, შეძლეს მარტივი მსჯელობა, ლოგიკური კავშირის დამყარება, თვლა, ანგარიში (მიმატება-გამოკლება,როგორც მრგვალი ათეულების,ისე ჩვეულებრივი რიცხვების), რიცხვების დასახელება და ჩაწერა 100-ის ფარგლებში; ასევე, 100-მდე რიცხვების მიმატებას-გამოკლება ზეპირად ან სხვა ხერხით, შეასრულეს შეკრების მოქმედებათა ურთიერთშებრუნებულობა.

ღია გაკვეთილი დატვირთული იყო მრავალფეროვანი დავალებებით, რომელსაც მოსწავლეებმა თავი კარგად გაართვეს და წამახალისებელი შეფასებებიც დაიმსახურეს.

სკოლა პოლიგლოტი მადლობას უხდის სოფო მუმლაძეს ასეთი საინტერესო გაკვეთილის ჩატარებისათვის.